Продолжен рокот за доделување финансиска помош за занаетчии

Министерството за економија информираше дека рокот за пријавување за кофинансирање на трошоци на занаетчии и вршители на занаетчиска дејност, е продолжен до 4 декември.

Државата кофинансира до 60% од докажаните  трошоци, но не повеќе од 60.000 денари  направени за набавка на алати и репроматеријали од страна на занаетчии. Согласно Програмата за конкурентност, иновации и претприемништво на Министерството за економија, за оваа мерка предвидени се средства во вкупен износ од 20.000.000 денари. Согласно јавниот повик со оваа мерка ќе бидат кофинансирани докажаните трошоци за набавки направени во 2020 година.

Право на учество на овој Јавен повик имаат занаетчии и вршители на занаетчиска дејност кои се регистрирани согласно Законот за занаетчиство и ги исполнуваат следните услови: да имаат деловно седиште на територијата на Македонија, да имаат најмногу 5 вработени на неопределено работно време, да имаат намирени обврски кон државата и вработените.

Еден апликант може да користи субвенција само еднаш по овој јавен повик.

Деталите од јавниот повик може да ги најдете на следниот ЛИНК.