Правилата и предусловите за патување во Грција, што вклучуваат документ поврзан за Ковид-19 и пополнет PLF формулар, а меѓу другото, важат и за државјаните на Северна Македонија, остануваат непроменети и се продолжени за уште една седмица, јави дописничката на МИА од Атина.

Новата министерска одлука „Предуслови за влез во земјата за да се ограничи ширењето на Ковид-19“, веќе е објавена во Службен весник на Грција, стапи во 6 часот утрово, а важи до 15 јули 2021 година и за патување кај јужниот сосед предвидува задолжителен документ поврзан со Ковид-19, односно или сертификат за вакцинација, 14 дена по примената втора доза, или негативен резултат од ПЦР тест направен 72 часа пред патувањето или рапид (брз) тест до 48 часа пред пристигнувањето во Грција или потврда за прележан коронавирус, како и пополнет PLF формулар.

Од Северна Македонија во Грција може да се патува преку Евзони (Богородица), преку Ники (Меџитлија) и Дојран, што работат 24 часа, исто како и останатите копнени гранични премини кон Албанија, Турција и Бугарија, со исклучок на Мерѕани кон Албанија, што е со работно време од 8 до 20 часот по локално време.

Нашата земја и понатаму е на листата држави за кои важи исклучокот од забраната за влез во Грција на државјани на трети земји, а освен Северна Македонија, дозволено е патување и за државјаните на Азербејџан, Австралија, Албанија,  Босна и Херцеговина, Ерменија, Обединетите Арапски Емирати, САД, Велика Британија, Јапонија, Јордан, Израел, Канада, Белорусија, Либан, Црна Гора, Молдавија, Бахреин, Брунеј, Нов Зеланд, Јужна Кореа, Катар, Кина, Косово, Кувајт, Украина, Руанда, Русија, Саудиска Арабија, Србија, Сингапур и Тајланд.

Согласно министерската одлука, сите посетители, „независно од државјанството и начинот на влез во земјата“ имаат две опции и една алтернативна можност, во однос на документите што треба да ги приложат и се поврзани со Ковид-19, а МИА детално ги пренесува сите предуслови за патување во Грција.

Првата опција е целосно да ја имаат завршено вакцинацијата 14 дена пред патувањето и да достават сертификат за вакцинација на грчки, англиски, француски, германски, италијански, шпански или руски јазик, издаден од јавна установа и да ги содржи податоците: име и презиме, како што се заведени во пасошот, вид на вакцина и бројот на дози, заедно со датуми кога се примени.

Втората можност е со негативен тест. Или ПЦР направен во последните 72 часа пред патувањето или антигенски (брз) тест направен 48 часа претходно. И за двете опции, тестирањето треба да биде во одобрена од државата на потекло приватна или државна лабораторија, а потврдата да биде на грчки, англиски, француски, германски, италијански, шпански или руски јазик, а исто како и за сертификатот, треба да ги содржи и името и презимето на лицето кое патува, онака како што се заведени во пасошот.

Алтернативно, посетителите на Грција, може да достават потврда за прележана болест по лабораториско тестирање со ПЦР или антигенски (брз) тест. Сертификатот се издава 30 дена по првиот позитивен тест и неговата важност е до 180 дена по позитивниот резултат.

Документот треба да биде од јавна установа или од лаборатории одобрени од државата на потекло, да ги содржи податоците од пасошот и повторно, може да биде на неколку јазици, односно на грчки, англиски, француски, германски, италијански, шпански или руски јазик.

Европскиот дигитален Ковид сертификат е уште една алтернативна можност за влез во Грција.

Конкретните обврски за патување важат за лица со наполнети 12 години.

Дополнително, за патување, задолжителен е и електронскиот формулар PLF (Passenger Locator Form), кој треба да биде пополнет преку интернет страницата https://travel.gov.gr пред поаѓањето, по што се добива потврда со QR-код и се смета за неопходен документ за влез во Грција.

Сите посетители на Грција, независно од земјата на потекло, може да бидат подложени на тестирања, а селекцијата се врши согласно здравствениот алгоритам и со помош на кодот од PLF формуларот.

Доколку бидат тестирани, ќе треба да ги почекаат резултатите.

Ако резултатот е позитивен, предвиден е десетдневен, карантин, додека пак ако се работи за лица кои 14 дена претходно ја завршиле вакцинацијата, тогаш задолжителната изолација е седум дена, а на последниот ден од карантинот, потребно е да се направи ПЦР тест.

За прекршување на законските мерки и обврски, предвидени се парични казни од 500 евра.

Во одлуката, како што пренесува МИА, посочено е дека туристите, за време на нивниот престој во Грција, мора да ги почитуваат мерките што важат и за Грците.

Првата министерска одлука „Предуслови за влез во земјата за да се ограничи ширењето на Ковид-19“, беше објавена на 14 мај годинава, кога по пауза од 14 месеци се отвори граничниот премин Евзони (Богородица) и беше дозволен влез во Грција за македонски државјани, а оттогаш се продолжува секоја седмица. 

Rregullat dhe parakushtet për udhëtim në Greqi, që përfshijnë dokument të lidhur me Kovid-19 dhe formular PLF të mbushur, e në mes tjerash, vlejnë edhe për shtetasit e Maqedonisë së Veriut, mbesin të pa ndryshuara dhe janë të vazhduara edhe për një javë, tha korrespondentja e MIA nga Athina.

Vendimi i ri i ministrisë “Parakushtet për hyrje në shtet për t’u kufizuar përhapja e Kovid-19”, tashmë është e shpallur në Gazetën zyrtare të Greqisë, hyri në fuqi në ora 6 këtë mëngjes, dhe do të vlejë deri më 15 Korrik 2021 dhe për udhëtim tek fqinji jugor parasheh dokument të domosdoshëm të lidhur me Kovid-19, gjegjësisht ose çertifikatë për vaksinim, 14 ditë pas dozës së dytë të pranuar, ose rezultat negativ nga testi PCR i bërë 72 orë para udhëtimit ose rapid test (i shpejtë) deri 48 orë para mbërritjes në Greqi ose vërtetim për koronavirus të kaluar, si dhe PLF formular të mbushur.

Nga Maqedonia e Veriut në Greqi mund të udhëtohet nëpërmjet Evzoni (Bogorodica), nëpërmjet Niki (Mexhitlija) dhe Dojran, që punojnë 24 orë, njëlloj si edhe kalimet tjera kufitare kah Shqipëria, Turqia dhe Bullgaria, me përjashtim të Merxani kah Shqipëria, që është me orar të punës nga ora 8 deri ora 20 sipas kohës lokale.

Vendi jonë edhe më tej është në listën e shteteve për të cilat vlen përjashtimi nga ndalesa për hyrje në Greqi të shtetasve nga shtetet e treta, kurse përveç Maqedonisë Veriore, është i lejuar udhëtimi edhe për shtetasit e Azerbajxhanit, Australisë, Shqipërisë, Bosnjës dhe Hercegovinës, Armenisë, Emiratet e Bashkuara Arabe, SHBA, Britanisë së Madhe, Japonisë, Jordanit, Izraelit, Kanadasë, Bjellorusisë, Libanit, Malit të Zi, Moldavisë, Bahrejnit, Bruneit, Zelandës së Re, Koresë së Jugut, Katarit, Kinës, Kosovës, Kuvajtit, Ukrainës, Ruandës, Rusisë, Arabisë Saudite, Serbisë, Singaporit, dhe Tajlandës.