Продолжија обвинувањата кон општина Гостивар – денес прес одржа Садику

Нови обвинувања кон општина Гостивар за негрижа и опструкции во работата на училиштата. Денес, прес конференција одржа директорот на ОУ „Единство“, Мерсел Садику, кој како главни проблеми ги истакна блок-дотациите и согласностите за вработување.

„Ние како училиште ги направивме сите подготовки за успешен старт на новата учебна година. Оваа година за прв пат се соочуваме со проблеми поради тоа што не се префрлени блок дотациите предвидени за одржување на објектот. Друг проблем е непотпишувањето на согласностите од страна на општината за замена на кадарот кој е на боледување или се пензионирал. Конкретно се работи за пет вработувања и ако не се направат замените се отежнува наставниот процес. Се надевам дека во иднина нема да мора да излегуваме со жалби и критики за општината. Според мене најдобро е да имаме добра соработка, работите да мрднат од мртва точка, а резултатите и бенефитите ќе ги почувствуваат сите наши ученици.“, рече Садику.

Директорот потенцираше дека работните групи на училиштето добиле проект од УСАИД вреден 20 илјади евра, за чија успешна имплеметација неопходна е координација со општината и упати апел до градоначалникот Арбен Таравари да се воспостави соработка за добробит на учениците.