Продолжува и шпанската Ла Лига

После долгата пауза поради пандемијата со корона вирусот, вчера (четврток, 11.06.2020) со градското дерби помеѓу Севиља и Бетис продолжи најквалитетниот фудбал и во Шпанија. Треба да се доиграат преостанатите 11 кола, а планирано е да се заврши шпанското првенство до 19-ти јули, што значи ќе се игра со забрзано темпо и со густ распоред безмалку, секој трет ден, но без публика на стадионите.

Во премиерниот натпревар од 28-то коло Севиља беше подобра од градскиот ривал со 2:0 и со новите три бода го задржа третото место во лигата со 6 бода зад Реал Мадрид и 8 позади водечката Барселона.

Денес на програмата се два дуели, Гранада го дочекува Хетафе од 19:30 часот, а од 22:00 часот Валенсија ќе биде домаќин на Леванте. Останатите дуели се на програмата утре (сабота) и во недела (13-ти и 14-ти, Јуни).

Како веќе напоменавме, денес се враќа и италијанскиот фудбал со куп натпреварот помеѓу Јувентус и Милан.