Продолжува најквалитетниот европски фудбал – денес на програмата Европа лигата

Откако се спуштија завесите во најзначајните европски фудбалски лиги, на ред дојдоа и најквалитетните европски клубски натпреварувања. Се враќаат Лигата на шампионите и Европа лигата.

Откако се одиграа првите мечеви, поради пандемијата со Ковид – 19, натпреварувањето беше прекинато, па така вечер и утре (четврток) на програмата се реванш натпреварите од осминафиналето од Европа лигата. Исклучок се двата италијанско-шпански дуели помеѓу Интер – Хетафе и Севиља – Рома кои не успеаа да ги одиграат ни првите осминафинални дуели, поради што одлучено е истите да одиграат само по еден натпревар од осминафиналето на неутрален терен во Германија, со што немаат право на грешка.

Вечер на програмата се четири дуели. Од 18:55 часот се среќаваат: Копенхаген – Башакшехир и Шахтјор – Волсбург, додека од 21:00 часот своите дуели ги играат Интер – Хетафе и Манчестер Јунајтед – ЛАСК.

Останатите четири натпревари се играат утре. Од 18:55 часот се среќаваат Баер Леверкузен – Глазгов Ренџерс и Севиља – Рома, а од 21:00 часот Базел – Ајнтрахт Франкфурт и Вулверхемптон – Олимпијакос.