Продолжува победничката низа на КК Гостивар, совладана и екипата на ФМП Академија 83-93

Продолжува победничката серија на кошаркарите на Гостивар кој вечерва во салата Независна Македонија во Скопје, ја совладаа екипата на ФМП Навико Академија со резултат 83-93.

Домаќините мотивирани влегоа во натпреварот поведувајќи (7-2), позитивата успеаа да ја одржат до крајот на првиот период добивајќи го (21-18). Гостивар „запали“ дури во вторите 10 минути, со експлозивна игра за која домаќинот немаше одговор успеаа целосно да го свртат резултатот во своја полза, постигнувајќи дури 31 поен во вториот период, за на полувреме се замине со резултат 32-49.

Во вториот дел ФМП Навико Академија направи обид резултатски да се врати во игра, добивајќи го третиот период (21-14), но искуството на гостиварци не дозволи неизвесност. Најдоброто од натпреварот актерите на двете екипи го оставија за последните 10 минути, во крајно ефикасна четвртина која заврши изедначено (30-30) беше доволно за петта победа на КК Гостивар со конечен резултат 83-93.

Корсантија со 28 поени беше најефикасен на натпреварот, Виктор Ефремоски постигна 23, Маслинко 16 поени. Кај домаќините најрасположен беше Предраг Пајиќ со 23 поени.