Продолжуваат акциите на полицијата – приведени повеќе лица поради марихуана

Секторот за внатрешни работи Тетово, информира во текот на вчерашниот ден во различни акции приведени се неколку лица кај кои е пронајдена марихуана.

Вчеравечер, околу 21 часот и 45 минути, во гостиварска Долна Бањица лишен од слобода е 40-годишен гостиварец. Пронајдена му е марихуана и поради сомнение за „неовластено производство и пуштање во промет на наркотични дроги, психотропни супстанци и прекурсори, задржан е во Полициската станица Гостивар.

Во друг случај, полициски службеници на Секторот за внатрешни работи Тетово, вчера околу 14 часот и 30 минути, во тетовското село Боговиње запреле патничко моторно возило „опел корса“ со гостиварски регистерски таблици, што го управувал 22-годишен жител на Добридол, а во кое се наоѓале и  двајца сопатници од селото Градец. При преглед кај нив, пронајдени се марихуана и ризла. Тројцата од возилото лишени се од слобода и задржани во Полициската станица Тетово за целосно расчистување на случајот, информираат од полицијата.