Проект: Како до поголеми шанси за вработување на ранливите групи граѓани?

Претставници на државни и локални институции и невладиниот сектор во Гостивар ќе спроведуваат активности и програми за подобри можности за вработување на ранливите групи граѓани, како лица со посебни потреби, ромското население и други.

Во насока на координација се одржа заедничка средба, а сите активности се дел од  регионалниот проект „Промоција на инклузивни пазари на труд“. Гостивар е пилот општина во која се спроведува проектот.

„Целта на проектот е да им се помогне на маргинализирани групи граѓани за полесно да најдат вработување. Оваа средба е една координација со важните чинители од инситутиците и од невладиниот секотор за изнаоѓање начини преку какви активности, проекти, решенија тоа може да се спроведе“, изјави Дашмир Османи, координатор на проектот за Гостивар.

Проектот е поддржан од УНДП и Меѓународната организација на трудот. Освен во Македонија се спроведува и во Албанија, Босна и Херцеговина, Косово, Црна Гора и Србија.