Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 06/12/2018

Проект „Стоп за говорот на омраза“ во средните училишта во Гостивар и Тетово

Секторот за внатрешни работи Тетово неделава започна со реализација на превентивно-едукативниот проект „Стоп на говорот на омраза“, во гостиварските и тетовските средни училишта. Со проектот ќе бидат опфатени над 2.500 ученици во прва година. Учениците ќе се информираат како да препознаат говор на омраза, како да се дистанцираат од недолично однесување, постапки и изразување со елементи на ваков говор и какви можат да бидат негативните лични и општествени последици.

СВР објаснува дека на учениците, исто така, ќе им бидат презентирани досегашни негативни искуства поврзани со говор на омраза во обичните разговори, а посебно на социјалните медиуми.

По завршување на предавањата, кои се планира да се одржуваат еден месец, предвидени се две сликарски работилници, на кои учениците ќе изработат експонати на истата тема, кои подоцна официјално ќе бидат изложени во Тетово и Гостивар.

Носители на проектот се Отсекот за превенција, тетовската и гостиварската локална самоуправа и ОБСЕ.

 

Оставете коментар

Вашата Емаил адреса нема да биде објавена.Задолжителните полиња се означени *

*