Проект во Гостивар и Велес за поддршка на семејства со деца со попречености

Стотина семејства во општините Гостивар и Велес, изминатите шест месеци беа опфатени во проектот „Среќно лице-заштитено лице!“ за помош и поддршка на родители на деца со попречености.

Проектот го спроведе Ресурсниот центар на родители на деца со посебни потреби, со финансиска поддршка од Владата на РС Македонија. Целта е подобрување на семејната стабилност преку давање на бесплатна индивидуална психо-социјална подршка на родителите на деца со попреченост, јакнење на капацитетите и потенцијалите на родителите за соочување и справување со стрес и криза кои се предизвикани од пандемијата на корона вирус COVID-19.

„Во рамките на проектот беа изработените флаери и доделени пакети на 100 семејства со основни средства за заштита и на тој начин ја истакнеме важноста од почитување на препораките на Министерството за здравство, важноста на придржувањето кон мерката задолжително носење на заштитна опрема на лицето и потребата од самоизолација, особено за децата со попреченост, кои се со кревко здравјеи со самотоа тоа спаѓаат во високо ризична група. Преку четирите организирани едукации ги едуциравме и обучивме родителите за начините на заштита и унапредено семејно функционирање кое е биде во интерес на сите семејни членови во услови на епидемии од заразни болести во иднина. Она што сакаме да го истакнеме е дека семејствата на деца со попреченост психо-социјалната подршка и едукацијата ги оценија како многу корисни и неопходни во овој за нив многу сериозен период. Би сакале во оваа прилика да им се заблагодариме на градоначалниците на општините Велес и Гостивар за нивната подршка и одлична соработка со Ресурсен центар на родители на деца со посебни потреби.“, нагласија од Ресурсниот центар.