Гостивар

Проект во Гостивар за посилен Локален совет за превенција

Објавено

пред 1 месец

на

16/12/2022

Од

Gostivarpress.mk

Општина Гостивар станува дел од проектот „Со општинските совети за превенција кон подобрена соработка“, што го спроведува Центарот за европска стратегија „ЕВРОТИНК“. Соработката се официјализираше денес со потпишување на Меморандум за соработка од страна на градоначалникот Арбен Таравари и претставници на Центарот.

Главната цел на проектот е да се промовираат процесите на соработка помеѓу општините, полицијата и граѓаните за унапредување на партиципативното одлучување во полицијата, зајакнување на функционирањето на локалните превентивни совети (ЛСП). ЛСП претставува тело за заедничко дејствување на страните вклучени во областа на безбедноста, со инфраструктурен, општински и социо-културен карактер.

„Согласно потпишаниот Меморандум, општина Гостивар ќе го поддржи „ЕВРОТИНК“ со консултации при креирање прашалници за локални проблеми и потреби на граѓаните, редовно објавување на информации за работата на Локалните совети за превенција на веб-страницата и социјалните мрежи. Потсетуваме дека потпишаниот проектот што денеска го потпиша градоначалникот на општина Гостивар, Арбен Таравари, е поддржан и од Амбасадата на САД во Северна Македонија.“, соопштија од локалната самоуправа.