Проект за пешачки мостови на Вардар во Гостивар пред општинскиот Совет

На седницата на Советот на Општина Гостивар, која е закажана за вторник (9 март) на дневен ред е предлог одлука за давање согласност за аплицирање за грант за подоготовка на техничка документација за проект “Пешачки мостови преку реката Вардар“

Кко што се наведува во предлог одлуката, се работи за техничка документација за два нови пешачки моста, а за финансии ќе се аплицира на јавен повик на УНДП. „Општина Гостивар, односно одделението за Локален економски развој е ангажирано во пополнувањето на потребната Апликација, други попратни документи за реализација на предвидените активности во проектот. Предвидениот грант изнесува околу 30.000 евра, и покрај критериумите дека не се побарува ко-финансирање, Општина Гостивар ја изразува својата готовност доколку има потреба да презема дел за ко-финансирање, ако обезбедените средства не се доволни за подготовка на техничка документација за две пешачки мосотови предвидени во апликацијата.“, стои во предлогот.