Проектот „Бегалец сега-човек секогаш“ во Гостивар

На градскиот плоштад во Гостивар поставена е инсталација од повеќе различни елементи, преку кои се цели да се подигне свеста кај граѓаните за проблемите и потребите на бегалците и да се поттикне хуманоста. Активностите се дел од проектот „Бегалец сега-човек секогаш“ што го спроведува Високиот комесаријат за бегалци при Обединетите нации, УНХЦР во соработка со Центарот за човекови права и Центарот за истражување, образование и развој од Скопје.

„Бегалците се луѓе и тие некогаш, пред да ја напуштат својата земја имале живот како секој од нас. Но, сето тоа го изгубиле, не по своја вина. Затоа им е потребна нашата несебична помош и поддршка. Сакам да им заблагодарам на граѓаните од Гостивар што покажуваат свесност и ангажираност за проблемите на бегалците и што успешно ги спроведуваат предвидените активности, изјави претставникот на УНХЦР, Мохамад Ариф.

Инсталацијата останува поставена на гостиварскиот плоштад до утре.