Култура
Проекции на неколку филмови во гостиварскиот Центар за култура
Гостивар е еден од градовите во земјава, каде се одржува Неделата на македонски филмови, со проекции на неколку филмски остварувања. Филмовите ќе се прикажуваат во Центарот за култура АСНОМ.
Утревечер (19 септември) со почеток во 19 часот ќе биде прикажан играниот филм „Височините“, во режија на Виктор Божинов, инспириран од истоимениот роман на Милен Русков, кој во 2016 година ја доби престижната награда Европски роман на годината. Филмот е во копродукција на Македонија и Бугарија. Приказната се случува во 1872 година и ги следи случувањата околу активностите на младиот револуционер по име Гичо.
Во четврток (20 септември), исто така со почеток во 19 часот, ќе се прикаже филмот „Скршено“, кој е албанско-македонска копродукција во режија на Едмонд Будина. Дејствието се врти околу Јани Буди, кој откако излегува од странски затвор, по 18 години се враќа во Албанија каде го очекуваат шокантни вести за неговата сопруга и синот.
Влезот за „Височините“ и „Скршено“ е бесплатен.
Во Центарот за култура ќе биде прикажан и филмот „Хотел Југославија“. Ова филмско остварување кое раскажува за култниот хотел, изграден во Белград во 1969 година во Гостивар игра на 26 септември со почеток во 19 часот. Влезницата за „Хотел Југославија“ чини 100 денари.
Како што информираа од Центарот за култура, филмските доживувања ќе продолжат и во октомври.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар