Временска прогноза за оваа работна недела во Гостивар

Во деновите од оваа работна недела на подрачјето на Гостивар не очекува претежно сончево време со пониски утрински температури и поголемо затоплување кон крајот на работната недела.

Денес е понеделник, сонцето изгреа во 6 часот и 20 минути, а ќе зајде во 17 часот и 20 минути. Утрово беа измерени минимални температури од -8 степени, додека во текот на денот ќе достигне до 3 степени.

Слични временски прилики ќе владеат и во вторник и среда, но без минусни температури во утринските часови, минималната ќе се движи околу нулата, а максималните ќе се искачат до 10 степени.

Во четврток не очекува вистински пролетен ден, ќе преовладува ведро и сончево време со пораст на температурите. Минималната температура ќе биде 3 степени, максималната дневна температура ќе достигне до 22 степени.