Проголтал екстази при полициска контрола во Гостивар

Две женски лица задржани се во Полициската станица Гостивар за расчистување и документирање на случајот, додека М.Д., кој при претресот ги проголтал таблетите, пренесен е во гостиварската болница „Ферид Мурад“ за укажување на лекарска помош.

Според информациите на полицијата, вчера ( 1 март) околу 17 чaсот и 30 минути, на магистралниот пат Гостивар-Кичево, во близина на Здуњска крстосница, полициски службеници на СВР Тетово-Одделение за внатрешни работи Гостивар ги лишиле од слобода М.Д.(26) од Скопје, 23-годишната А.С. од Пехчево и 17-годишно женско лице од Скопје, затоа што при нивен и преглед на патничко возило „хундаи“ со скопски регистарски ознаки, во кое се превезувале, биле пронајдени таблети, најверојатно екстази.