Промена на времето во новата работна недела

По сончевиот викенд, следува промена на временските прилики. Времето денес (понеделник) претпладне ќе биде сончево со мала до умерена облачност. Попладне променливо облачно, на повеќе места ќе биде нестабилно со пороен дожд, грмежи и засилен ветер, локално во форма на краткотрајно невреме. Температурата во гостиварскиот регион ќе се движи од 9 до 20 степени.

Од вторник до петок, според метеоролошките прогнози ќе владее облачно и посвежо време со повремени врнежи од дожд, наместа поројни. Дневната температура ќе биде во опаѓање и ќе се движи од 14 до 16 степени.