Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 01/03/2018

Промовирана новата книга поезија од гостиварецот Хазири

Вчеравечер во киното „Култура“ во Скопје се одржа промоцијата на поетската збирка „Кога љубовта се троши како креда“ од гостиварецот Лулзим Хазири. За стиховите на Хазири зборуваа академик Луан Старова и Салајдин Салиху, рецензент на книгата.

„Хазири е поинаков глас во албанската поезија, тој ѝ ги носи урбаната чувствителност, третирањето мотиви што се среќавале во светската книжевност, но не беа толку присутни во албанската книжевност“, наведе Салиху.

Стихозбирката содржи преводи на шеесетина песни на македонски јазик поместени во девет циклуси, а е во издание на издавачката куќа „Готен“. Преводот на песните од албански на македонски јазик е на Линдита Ахмети.

Поезијата на Хазири е преведена на неколку јазици, англиски, француски, романски, хрватски и на македонски јазик, застапена е во неколку национални и странски антологии. Наречен е „поетот созреан со рокенрол, кој стои од другата страна на нормите“ (M. Лимани).

Лулзим Хазири е роден 1962 година во Гостивар. Досега објавил четири збирки поезија и две книги со есеи и колумни.

 

Оставете коментар

Вашата Емаил адреса нема да биде објавена.Задолжителните полиња се означени *

*