Вести
Промовирана прва „Барбика“ со Даунов синдром
Компанијата „Мател“ во продажба пушти „Барбика“ со Даунов синдром, според наводите – во обид да го направи својот опсег поразновиден и поинклузивен.
Американскиот гигант за играчки честопати се соочува со критики дека традиционалната Барби не ги претставува вистинските жени, па затоа последниве години создаде и кукли со апаратче за слушање, протетички екстремитети и ортопедска количка. Целта е „сите деца да се видат себеси во Барби“, како и „да си играат со кукли кои личат на нив“, велат од компанијата.
Оригиналната кукла „Барбика“ се појави на пазарот во 1959 година и стана своевиден симбол за „совршено“ женско тело.
Меѓутоа, академици од Универзитетот на Јужна Австралија, на пр., посочија дека веројатноста жената да има облик како телото на Барби е 1: 100.000. Затоа, критичарите повикаа „Барби“ да претставува пореална слика за телото на една жена.
Во 2016 година, „Мател“ ги објави „Заоблената Барби“ (Curvy), „Високата“ и „Ниската слатка“ (Petite) кукла, како и широк спектар тонови на кожата што ги одразуваат разните и различни раси и етникуми.
Новиот лик со Даунов синдром има ниско тело, подолго торзо, позаоблено лице со помали уши, и очи во облик на бадем. Фустанот со надуени ракави е жолто-син – бои поврзани со свесноста за Даунов синдром. Куклата има и розов ѓердан со приврзок со три шеврони што ги претставуваат трите копии од 21 хромозом – она што ги предизвикува одликите на Дауновиот синдром. Барби овојпат носи и розови подврски на глуждовите, коишто одговараат на нејзината облека, а бидејќи некои деца со Даунов синдром ги користат заради поддршка на стапалата и глуждовите.
Британската манекенка Ели Голдстајн изјави дека се чувствува „премногу воодушевена“ од новата „Барби“, објави „Би-би-си“.
И други компании-производители на играчки ширум светот, како данската „Лего“, претходно го следеа примерот на „Мател“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар