Култура
Промовирана првата книга на младата гостиварка Анастасија Лефкоска
Деветнаесет годишната Анастасија Лефкоска од Гостивар дебитира пред читателската публика со новелата под наслов „Сe’ она што никогаш не можев да ти го кажам“. Книгата излезе од печат неодамна, а денес беше промовирана во Гостивар, во просториите на Центарот за млади и заедницата.
Анастасија вели дека на подготовка на делото работела неполна година и ги сподели задоволството и радоста од издавањето.
„ Може да кажам дека приказната лично мене ми е многу важна и среќна сум што дојде до издавање на оваа книга. Новелата содржи еден вид љубовни дневици, а пораката што сакам да ја пренесам преку моето пишување е дека љубовта е посилна од се` , таа е најсилната маѓија што постои, која треба да си ја чуваме и негуваме.“, изјави младата писателка.
Книгата е во издание на Здружението Нов Вавилон од Битола, од кое за делото Лефкоска доби признание за афирмација на македонскиот јазик.
„Ликовите во дозиран емотивен наплив ја раскажуваат во прво лице својата љубовна сага и доколку ги издвоиме и соединиме поглавјата на два дела, спрема оној што раскажува, ќе добиеме два љубовни дневници кои се временски поврзани и безвременски недофатливи во вечниот обид да се зачува љубовта на парче хартија.Она што е карактеристично за главните протагонисти кои го чинат овој роман, е нивната карактерно-психолошка изграденост, од која што се добива впечаток дека ги познаваме од блиското соседство“, пишува за „Сe’ она што никогаш не можев да ти го кажам“, рецензентот Никола Илијовски.
Анастасија Лефкоска годинава заврши средно, а од наесен продолжува со високо образование. Пишува проза и поезија од најмала возраст и добитник е на повеќе литературни награди и признанија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар