Пронајдена дрога при претрес во стан во Гостивар

Две лица завршиле во Полициската станица во Гостивар, откако во стан каде живееле под ќирија била пронајдена дрога.

Како што соопшти МВР вчера врз основа на судска наредба, полициски службеници од Надворешната канцеларија за криминалистички работи Гостивар извршиле претрес во стан на ул. „Беличица“, сопственост на жител на Чегране, кој под наем го користи лицето И.А. (31) од Скопје заедно со лицето З.Р. (34) од Ростуше. При претресот биле пронајдени и со потврда биле одземени две најлонски кесички со кокаин, една најлонска кесичка со марихуана, алуминиумска фолија со кокаин, кокаин истурен на маса, една тетратка со напишани иницијали и суми на пари. Двете лица биле приведени и задржани во Полициската станица Гостивар за понатамошна постапка.