Пронајдени 22 пакувања кокаин во гостиварско, приведено едно лице

СВР Тетово информира дека вчера (24.03.2022) во 22.40 часот во Чегране, гостиварско, полициски службеници од Надворешната канцеларија за криминалистички работи Гостивар го лишиле од слобода  Ш.Ш.(46) од истото село. При претрес во неговиот дом, извршен со судска наредба, биле пронајдени и одземени 22 пакувања кокаин и пари, извести полицијата.

Тој бил приведен во полициска станица и по целосно документирање и расчистување на случајот против него ќе биде поднесена пријава по член 215 од Кривичниот законик – „неовластено производство и пуштање во наркотични дроги, психотропни супстанци прекурсори“.