Пронајдени гранати при ископ во двор во Гостивар

Две неексплодирани гранати биле пронајдени денеска на улица „Илинденска“ број 201 во Гостивар. Како што соопшти полицијата, во 10 часот и 30 минути, 42 годишниот гостиварец К.И. во СВР Тетово пријавил дека при вршење ископ во двор биле пронајдени две артилериски гранати калибар 100 милиметри со темпиран распрскувач кои најверојатно потекнувале од Втората светска војна. Местото било обезбедено и биле известени надлежните служби од Дирекцијата за заштита и спасување и Центарот за управување со кризи по што се преземени потребните мерки.

Извршен е увид, гранатите се фотодокументирани и безбедно подигнати за транспортирање од пиротехничар на Дирекцијата за заштита и спасување.