Пронајдени марихуана и кокаин во куќа во Балиндол

Гостиварската полиција пронашла дрога во дом на дваесетгодишик од селото Балиндол. Момчето „заработило“ кривична пријава и завршило во притвор.

Според информациите од МВР, претресот на куќата и два помошни објекти во Балиндол, во кои живеел и ги користел А.Б.(20), бил извршен вчера по добиена судска наредба. При претресот биле пронајдени тревкаста и прашкаста материја за кои по вештачењето се утврдило дека станува збор за марихуана, во вкупна тежина од 104 грама, како и еден грам кокаин. Против лицето било поднесена кривична пријава и истото било изведено пред судија од Основниот суд Гостивар кој му одредил мерка притвор во траење од 48 часа, по што пријавениот бил спроведен во КПУ Тетово.