Пропаднаа првите фискални за МојДДВ – Корисниците на Apple оштетени

Единаесети ден од стартот на проектот за поврат на ДДВ кај граѓаните. Рекламните кампањи за „МојДДВ“ на големо се вртат на националната телевизија, повторувајќи го основните начела и придобивки од проектот:

„Повратот на ДДВ ќе се прави преку скенирање баркодови на фискалните сметки најдоцна во рок од 10 дена од издавањето на сметката. Ќе важи само за граѓаните и за фискални сметки до 30.000 денари“.

Денеска, на единаесетиот ден од стартот на „МојДДВ“, се` уште нема апликација за корисниците на ајфон, поради што огромен број на корисници на најпродаваниот уред во светот не можат да си го остварат ова право. Односно, им пропаднаа сметките чекајќи ја апликацијата за iOS, од проектот кој е најавуван две години.