Просечна плата на компјутерџиите е 49.824 денари, на медицинарите 36.304, во образование 27.659

Според пресметките на Државниот завод за статистика просечната месечна исплатена нето-плата по вработен, во ноември 2020 година, изнесува 27 588 денари. Индексот на платата во однос на ноември 2019 година, изнесува 107.0. ДЗС објаснува дека ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (11.2 %), Дејности на здравствена и социјална заштита (11.2 %) и Образование (9.5 %).

Намалување на просечната месечна исплатена нето-плата по вработен, во однос на претходниот месец, е забележано во секторите: Снабдување со електрична енергија, гас, пареа и климатизација (4.1 %), Снабдување со вода; отстранување на отпадни води, управување со отпад и дејности за санација на околината (3.6 %) и Објекти за сместување и сервисни дејности со храна  (3.4 %).

Од пресметките може да се види дека вработените во информации и комуникации земаат просечни плати од 49.824 денари, во здрвствена заштита 36.304 денари, во фармација  46.607 денари, уметност, забава и рекреација 25.498.