Гостивар
Прослава на значаен јубилеј – 7 децении постоење на ГАКУД „Браќа Ѓиноски“, Гостивар
Градското аматерско културно уметничко друштво „Браќа Ѓиноски“ од Гостивар, годинава прославува седум децении јубилеј и мисија на негување и промоција на македонската традиција и фолклор. По тој повод вчеравечер во Центарот за култура АСНОМ, беше организирана ревија на народни носии, како и концерт на народни песни. Свои настапи имаа солистите Перо Пандиловски, Мирослав Крстески и Анѓела Фичуроска.
„Нашето друштво 70 години на госиварските простори успева да ја негува македонската култура, традиција и уметност. За жал, на јубилејниот настан изостанаа македонските сплетови, односно фолклорот, затоа што ковид мерките не го дозволуваат тоа. Сепак, ние на најдостоинствен начин, колку што дозволуваат мерките се обидовме да го прославиме јубилејот“, рече кореографот Предраг Ристески.
Мерките и правилата кои ги наметна пандемијата се удар врз опстојувањето на културно-уметничките друштва. Од гостиварското друштво велат дека сепак не се откажуваат од својата работа и не губат надеж за подобри времиња.
„Во услови на пандемија, кога мерките прошишуваат одржување на дистанца, забрана за групирање и слично претешко е да се работи. Сепак, кај нашите членови има голем ентузијазам и љубов кон ова што го работиме, ние ќе се потрудиме да остане така, во надеж за подобри времиња“, подвлече Ристески.
Настанот за одбележувањето на јубилејот на „Браќа Ѓиноски“ се одржа по покровителство на Министерството за култура.
Почетоците на гостиварското културно уметничко друштво датираат од 1950 година. Група млади гостиварци се собрале да ги продолжат традициите на претходно постоечко друштво познато под името „Шивачки“. Со тек на времето, се равивало и го зголемувало членството. Друштвото зад себе има бројни концерти и настапи на фестивали во земјава и странство. Најголемиот меѓународен успех го постигнало на фестивал во Турција во 1985 година, каде во конкуренција на над 40 друштва од цел свет гостиварци го освоиле првото место.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар