Протест на судската администрација, можен штрајк и блокирање на судовите

Независниот синдикат на судската администрација денеска продолжи со протест за покачување на платите и додатоците на плата. Вработените во судската администрација од 9 и 30 до 10 и 30 часот ја блокираа крстосницата кај Трговскиот центар „Мавровка“ во Скопје и ги повторија своите барања, повисоки плати за 78 отсто на минималната плата во судската служба и 35 проценти додаток на плата за судските службеници.

„Не престануваме. Бараме оваа неправда под итно да се исправи бидејќи во спротивно ќе најавиме штрајк и ќе ги блокираме сите судови низ цела Македонија. Во преговарачкиот тим бараме да бидеме вклучени и ние како синдикати бидејќи, грото од овие вработени се членови на нашите синдикати и не може да се одлучува за покачување на платите на судската служба без присуство на синдикалните организации“, изјави Јасмина Величкова, претставник на синдикатот.

Велат дека очекуваат преговори, во спротивно ќе продолжат со протестите.