Поврзи се со нас

Гостивар

Протест во гостиварско Чајле: Туѓо не бараме, нашето не го даваме!

Жители на гостиварско Чајле и граѓани кои имаат имот во атарот на селото, денеска излегоа на мирен протест на местото викано Рудина. Тие реагираат дека на таа локација, земјиште со површина од околу 18 илјади метри квадратни, коешто било државно, припаѓало на селото и на селаните, се узурпира. Велат дека  местото преку ноќ било оградено и имаат сознанија дека тука ќе се гради индустриски капацитет.

„Сакаме да знаеме на кој начин целото ова место ни е одземено, и сега е узурпирано. Си ја бараме правдата. Ова со векови било наше земјиште, на жителите на селото, без разлика дали се Македонци или Албанци. Не може некој да ни го земе. А одеднаш гледаме преку ноќ, ставена е ограда. Значи некој сака на наша земја да прави бизнис. Ние туѓо не бараме, ама нашето не го даваме. Овде се гробиштата, порано тука била селската задруга и сега е нејасно како таа земја е дадена или продадена.“, рекоа жителите на протестот.

Според нивните кажувања, земјиштето сега е во приватна сопственост, но како жители на Чајле бараат да се обзнани на кој начин е отуѓено. Исто така, револтирани се и поради сознанијата дека ќе се гради фабрика, а за локацијата постојат податоци дека тука опстојувала средновековна населба.

Од Општина Гостивар рекоа дека го поддржуваат протестот, но не можат да се мешаат во процедури на другите нивоа на власт и имотни прашања. „Што се однесува до ингеренциите на општината, уверуваме дека градоначалникот нема да донесе никаква одлука или согласност ако тоа е во судир со заедничките интереси на жителите или пак ја загрозува животната средина“, рече претставникот од општината, Агим Мустафаи.

Жителите на Чајле рекоа дека ќе продолжат јавно да ги изразуваат својот револт и дека ќе ги радикализираат протестите.

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!