Протести во Грција:МНР со предупредување до граѓаните на Македонија

Поради најавените протести во четиринаесет поголеми градови во Северна Грција против употребата на зборот „Македонија“, за денес во 19.30 часот, македонското Министерство за надворешни работи упати предупредување до граѓаните на Република Македонија да ги избегнуваат местата на нивно одржување.
„Се информираат граѓаните на Република Македонија кои се или планираат да патуваат во Грција, дека грчката организација „Комитет за борба за грчкиот карактер на Македонија“, најавува протести. Поради потенцијалната можност од ескалација на протестите, се предупредуваат граѓаните да ги избегнуваат местата на нивно одржување како и секакви реакции кои би имале негативни последици по нивната безбедност.“, наведува МНР.