Протестите во Тетово отворија нова војна меѓу ДУИ и Алијанса за Албанците

Последните протести во Тетово врзани со трагедијата во модуларната болница, станаа предмет на политичка кавга меѓу ДУИ и Алијанса за Албанците.

„Демократската Унија за Интеграција изразува длабока згрозеност од обидите на Алијансата за Албанците да ја скрие нејзината рака и преку протести да ја злоупотреби трагедијата на модуларната болница во Тетово што ја потресе целата земја. Вчерашниот насилен и навредлив протестен марш кон положбата на жената е уште еден доказ за оваа скриена намера. Јасен доказ дека изразеното насилство и оцрнување на жените aлбанки на вчерашните протести носи печат на Села и Таравари се фотографиите од протестот, на кои јасно се гледа присуството на членови на високата партиска структура на Алијансата за Албанците, вклучително и потпретседателката на огранокот Нука Бајрами и не само, но и директните повици објавени на Фејсбук од страна на Арбен Зеќири, одговорно лице на Алијансата за медиумите, да учествуваат во протестите.“, реагираа од ДУИ.

Од Алијанса пак негираат дека се вмешани во организацијата на протестот и подвлекуваат дека власта апси и гони граѓани кои бараат правда и одговорност.

„Присуството на наши членови и симпатизери на протестот е чин на граѓанска свест и одговорност и нивното присуство е карактеризано само каков чин, како и на останатите граѓани на Тетово. Имаме 14 наши сограѓани изгорени во пожарот во модуларната болница во Тетово и сè уште нема апсења или разрешени. Во меѓувреме, кога граѓаните бараат одговорност и правда за сите овие трагедии, полицијата и власта се брзи во нивно апсење и гонење. Алијанса за Албанците најостро го осудува апсењето и секој друг вид
притисок врз секој граѓанин и бара итно ослободување на демонстрантите. Протестот е демократско право и е гарантиран со Уставот, додека револтот изразен во нив е само рефлексија на незадоволство од актуелната влада. Во протестот имаше и роднини кои ги
загубија и најсаканите. Ве известуваме дека ниту опозицијата ниту граѓаните нема да ги заплашете и демотивирате од битката за правда и одговорност. Секој ваш притисок ќе ви се врати како бумеранг.“, велат од АА.

Како што соопшти МВР, пет лица биле лишени од слобода поради агресивно однесување и физички напад на полициски службеници кои извршувале службени дејствија за време на протест