fbpx
Поврзи се со нас

Гостивар

Протокол за интернатите: Два пати дневно дезинфекција, во менза забранети заеднички кечап и зачини, во двокреветна соба само еден ученик…

Објавено

на

Протоколот за работа на ученичките домови предвидува низа правила според кои треба да се водат вработените и учениците за време на престојот. Во продолжение го пренесуваме протоколот во целост.

Сместување 

  • Пулт за дезинфекција на чевлите (дезо-бариера), и дезинфекционо средство за дезинфекција на рацете задолжително да се постави на влезот од секој ученички дом. Доколку ученикот со себе носи дополнителни ресурси (торба, патна торба и слично) потребно е истите да бидат дезинфицирани од портирската служба пред внесувањето во домот.
  • На влезот во домот да се постават едукативно – информативни материјали за почитување на заштитните превентивни мерки: носење на заштитни маски, одржување на физичко растојание, редовно дезинфицирање на рацете и правилна респираторна хигиена.
  • Секој ученик при движење во домот и заедничките простории на домот ( ходници, лифт, менза ) задолжително да  носи заштитна опрема, маска и ракавици.
  • Вработените задолжително да носат заштитна опрема, маски и ракавици.
  • Од заедничките простории, да се отстранат сите маси, столици, фотељи на кои е можно групирање на ученици, и да се води засилена контрола од страна на портирската служба и вработените, со цел да се оневозможи групирање на учениците во заедничките простории и собите.
  • Во заедничките простории на ученичките домови да се постави корпа за отпадоци со капак, која ќе се отвара со ножна педала.
  • Ученикот при вселување во домот и добивање на клуч од собата, добива и флаер со совети за заштита и протокол за неговиот престој во Домот.
  • Во една двокреветна соба може да биде сместено само едно лице а во соба со над два кревета може да бидат сместени максимум две лица.
  • Секојдневно проветрување на заедничките простории во домот.
  • Два пати во текот на денот задолжително, треба да се спроведе чистење и дезинфекција на заедничките простории во домот ( ходници, библиотека, читална, менза итн. ) со средство кое делува на вируси, според упатство од производителот, алтернативно може да се користи 0,05 натриум хипохлорид (5% белило за домаќинство кое се користи во размер 1:100) или 70% алкохол за дезинфекција на горни површини.

Читална и библиотека 

  • Учениците кои ќе бидат присутни во читалната задолжително да носат заштитни маски.
  • При учење да се претпочита вкрстено седење со внимавање за физичка оддалеченост.
  • Во читалните и занималните истовремено ке можат да присуствуваат 4 ученика на 10 м2.
  • Во библиотека за земање книги да присуствува само по еден ученик.
  • Воспитувачите изготвуваат распоред за користење на занималните во Домот и просториите каде што се одржуваат слободните ученички активности со почитување на сите мерки за заштита.
  • Воспитувачите одржуваат редовна комуникација со родителите за општата здравствена состојба на учениците, како и за општиот успех и поведение во училиштето преку телефон, е-маил или заеднички ZOOM состанок со родителите на учениците во воспитната група.
  • Воспитувачот може да одржува и индивидуални средби со родителите во Домот со претходна најава од страна на родителот и почитување на препораките за заштита.

Санитарни јазли  

  • Да се постави известување на влезната врата од санитарните јазли за задолжителна дезинфекција на рацете пред и по употреба.
  • Да се инсталира средство за дезинфекција пред влезната врата на санитарните јазли.
  • Да се обезбеди проток без застој на чекање во внатрешни тесни холови и потребната физичка дистанца со поставување ознаки, со цел да се намали ризикот од голем број на лица во санитарните јазли во исто време,
  • Задолжително е носење маска при користење на заедничките санитарни јазли,
  • Санитарните јазли задолжително се опремени со течен сапун, топла вода, корпа за отпадоци со капак на ножна педала и хартиени бришачи за раце за еднократна употреба како и диспанзер со средства за дезинфекција за раце, на база на 70% алкохол или препорачано вируцидно средство за дезинфекција.
  • Чистење и дезинфекција на санитарните јазли, подови и сите нивни површини, 2 пати во текот на денот, со употреба на средство кое делува на вируси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1:100) или 70% алкохол за дезинфекција на горни површини.
  • Да се постават корпи со капак на ножна педала кои се внатрешно поставени со пластични ќеси, за собирање на отпадоци од користени маски и ракавици, видно означени и поставени на повеќе места во внатрешноста, за отстранување на користени маски, ракавици и сл.

Протокол за работа на мензата и кујната

  • Вработените во мензата и кујната, задолжително да носат заштитни маски, ракавици и заштитна облека, и да одржуваат зачестена хигиена на раце.
  • Забрането групирање за време на паузите, и одржување на меѓусебно растојание при процесот на работа.
  • Задолжително безбедно растојание меѓу масите, и одржување на безбедно растојание додека се јаде оброкот. Соодветно растојание помеѓу масите и столчињата да изнесува минимум 2 метри. При што на маса за 4 особи, можат да седат максимум 2 лица.
  • Дезинфицирање на масата и столовите по завршување на оброкот. ( доручек, ручек, вечера )
  • Масите да се покриени со хартиен или најлонски чаршаф за една употреба, при што ќе се врши промена по заминувањето на секој еден студент.
  • Да се постави средство за дезинфекција на секоја маса.
  • Приборот за јадење да биде складиран и послужен во најлонска или хартиена обвивка или во салфетка. Искористениот прибор покрај миењето во топла вода, да биде и задолжително дезинфициран со средство за дезинфекција.
  • Се забранува користење на заеднички отворени садови при сервирање на кечап, разни зачини и слично.
  • На крај на секој оброк ( доручек, ручек, вечера ) задолжително чистење и дезинфекција на сите простории, целиот прибор за јадење, приборот за подготвување и послужување на храната, како и мензата со сите маси и столчиња.
  • Засилена внатрешна контрола од лицето задолжено за спроведување на препораките за спречување на ширењето на вирусот.

Препораки за постапување при појава на лице со симптоми на COVID 19

  • Доколку вработен заболи од акутна респираторна инфекција, останува дома и се јавува на матичниот лекар.
  • Го известува непосредно претпоставениот за својата влошена здравствена состојба. Доколку е позитивен на КОВИД 19, го известува претпоставениот, кој што го известува веднаш регионалниот центар за јавно здравје.
  • Доколку вработениот бил во контакт со лице кое што покажало знаци на акутна респираторна инфекција, треба да ја следи својата здравствена состојба 14 дена, и доколку развие симптоми да се јави на матичен лекар и да го извести претпоставениот.
  • Доколку ученик  заболи со треска или со акутна респираторна инфекција, треба да остане во изолација во својата соба, да носи маска, да употребува само одредени тоалети и мијалници и тушеви. Управникот на ученичкиот  дом, каде што престојува ученикот да се јави во најблискиот здравствен дом, за спроведување на епидемиолошка анализа и идентификување на блиски контакти.
  • Просториите каде што се движел ученик  заболен со КОВИД 19 темелно да се исчистат и дезинфицираат и проветрат.

Сподели:
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement
Advertisement

Отворени огласи за вработување во полог:

- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Монтенегро ДОО Гостивар
- Кошаркарски клуб Гостивар А.Д
- VILLA Group DOOEL
- M&M Медија ДООЕЛ Гостивар
Гостиварпред 9 часа

Изминатово деноноќие 518 новозаразени, во регионот на Гостивар 10 нови случаи на корона

Гостиварпред 11 час

Запустена локација во гостиварски Балиндол се претвори во уреден парк со игралиште и детски реквизити

Гостиварпред 12 часа

Му се слошило во чајџилница во Гостивар и починал

Гостиварпред 12 часа

Спасовски во Маврово-Ростуше: Само со подобри услови, полицијата ќе може да испорачува врвна безбедност

Што, како, каде?!пред 14 часа

Нова „Мега акција со Мега ниски цени“ во МОНТЕНЕГРО МАРКЕТИ

Македонијапред 14 часа

УЈП ја објави најновата листа на должници

Гостиварпред 15 часа

Хелсиншки за случајот „фемицид во Гостивар“: МВР поведе постапка за полицаецот кој не реагирал на пријава за насилство

Гостиварпред 16 часа

Сојузот на Борци од Гостивар го одбележа 23 Октомври, денот на Македонската револуционерна борба

СЛЕДЕТЕ нè на FACEBOOK

Популарно изминативе 100 дена

error: Содржината е сопственост на Gostivarpess.mk!