Протокол за теретани: Мерење температура на влез, дезинфекција на справите после секое вежбање, задолжително закажување термин…

Од денес со одлука на Владата со работа започнуваат теретаните и фитнес центрите. Нивното функционирање ќе се одвива според строг протокол, кој предвидува често проветрување на просториите, задолжително закажување на термин, дезинфекција на опремата и справите за вежбање итн.

Во продолжение прочитајте го протоколот во целост:

1. На видно место да се означат правила за однесување за вработените и корисниците на услугите.
2. Поставена дезбариера на влез во клубот и безконтакно мерење на температура на вработени и корисници. На лица со покачена темепратура им се забранува влез во клубот.
3. На почеток и на крај на работниот ден, задолжително проветрување на сите простории и дезинфекција на простории, сите работни површини, опрема, справи и други реквизити за вежбање и задолжителна дезинфекција на подот.
4. Во текот на работниот ден, колку што е можно почесто проветрување на просториите.
5. При секој влез на вработени и корисници, да се врши задолжителна дезинфекција на раце со средство кои содржи 70% алкохол.
6. Сите вработени задолжително носат заштитна маска и ракавици во текот на целото работно време.
7. Корисниците на услуги, задолжително користат сопствени пешкири и други средства за лична хигиена.
8. Корисниците на услуги, задолжително однапред закажуваат термин на посета на клубот.
9. Користењето на заедничките помошни простории, како туш кабини и соблекувални се дозволува доколку е обезбедено чистење и дезинфекција на просториите по секоја употреба.
10. Распоредот на опремата, справите и другите реквизити за вежбање, односно организацијата на вежбањето мора да биде на начин што ќе се одржува физичко растојание од 2м помеѓу секој корисник, односно 10м2 по корисник.
11. Опремата, справите и реквизитите задолжително да се дезинфицираат после секој корисник.
12. Во случај да постои сомнеж некој од вработените да има респираторни симптоми (температура, кашлица и сл.) одговорното лице е должно веднаш да го отстрани лицето од просториите на клубот.
13. Во случај да постои сомнеж некој од корисниците да има респираторни симптоми (температура, кашлица) одговорното лице е должно веднаш да го отстарни лицето од просториите на клубот.