Првиот училишен ден ќе започне со штрајк – Нема да се примаат деца

Наставниците сепак ќе го одржат најавуваниот, предупредувачки штрајк најавен за првиот ден од новата учебна година, потврдија денеска од СОНК. Наставниците ќе се појават на работното место, но нема да примаат ученици.

Ниту синдикатот, ниту Министерството за образование не отстапуваат од своите позиции, терајќи правда врз грбот на учениците. Наставниците бараат покачување на платите од 25%, додека Владата се држи до најавените 5% покачување.

Од СОНК информираа дека штрајкот на просветните работници ќе трае еден ден, очекувајќи до крајот на септември да се изнајде решение на настанатата ситуација. Во спротивно, најавен е генерален штрајк. Ова го објави претседателот на СОНК, Јаким Неделков, после денешниот неуспешен состанок во МОН.