Првото родено бебе во 2022-ра во Гостивар е машко, до сега 6 новороденчиња во новата година

Како што информиравме во првиот ден од 2022-ра година, новогодишната ноќ во Гостивар помина без да се роди бебе, но прв бебешки плач на гинеколошко-акушерското одделение сепак се слушна набрзо. Првото бебенце во 2022-ра година во Гостивар, се роди на 2 јануари, час и дваесет минути после полноќ.

„Новата година ја почнавме со машко живородено дете на мајка пратена од Кичево во нашата болница. Се роди на 2 јануари, ноќта во 1 часот и 20 минути. Од почетокот на 2022-ра до денес на одделението се родија шест бебиња“, информираше д-р Агим Јакупи, раководител на одделението.

Во Гостивар во 2021-ва година имало вкупно 530 раѓања, за разлика од 2020 година кога се породиле 583 мајки. Трендот на намалување на породувањата за жал, продолжува.