Првото бебе во земјава во 2023 година е машко, во Гостивар новогодишната ноќ без раѓање

Првото бебе во 2023 година се роди на Универзитетската Клиника за гинекологија и акушерство во Скопје во 00.01 часот. Бебето е од машки пол, тешко е 3720 грама и е долго 51 сантиметар, информираат од Јавната здравствена установа Универзитетска клиника за гинекологија и акушерство Скопје.

Мајка на бебето е 22-годишната Стојанка Панајотова од село Соколарци, Кочани и тоа е нејзино прво дете. Од ЈЗУ ГАК на новороденчето му посакуваат добро здравје и среќно детство.

Гостивар пак, се уште го чека првороденото беше во Новата година. Како што информираа утрово за Gostivarpress.mk од гинеколошко-акушерското одделение на гостиварската болница новогодишната ноќ помина без породување.