Првото новороденче во Гостивар во 2020-та е женско!

Првото бебе во 2020-та година во Гостивар се роди утрово во 5 часот и 40 минути и е девојче. Ако се водиме по старинските верувања, новата година за Гостивар ќе биде женска година. Како што информираат од гинеколошко-акушерското одделение на гостиварската болница, бебето е тешко 3.500 грама.
Утрово на одделението се родиле уште две бебиња. Во 6 часот и 50 минути, машко бебе, тешко 3.450 грама и во 8 часот и 10 минути женско, тешко 3.550 грама. Сите три новороденчиња и родилките се во добра состојба.
Нека се живи и здрави!