Првото родено бебенце во Гостивар во 2021-ва година е женско

Утрово во 9 часот и 52 минути во гинеколошко-акушерското одделение во гостиварската болница, се роди првото бебе во Гостивар во новата 2021-ва година. Бебенцето е женско, тешко 3.750 гр, долго 52 сантиметри и е прво дете на брачниот пар Веби и Аљбина Салиу од Мало Турчане. Породувањето со царски рез го изврши тим под водство на доктор Зоран Нофитоски, кој не‘ информираше дека и мајката и новороденчето се во добра здравствена состојба.

Првото бебе во земјава во 2021 година е машко, тешко 3 650 грама и долго 51 сантиметар. Бебенцето е родено во 00:01 часот на гинеколошко-акушерската клиника во Скопје.

Нека се здрави и живи!