Дали пуканките навистина се едни од најздравите грицки?

Пуканките се едни од омилените грицки, а кога повеќето луѓе одат во кино, во текот на филмот, грицкаат токму тоа – пуканки. Сепак, се поставува прашањето дали пуканките се поздрави од другите грицки како што се чипсот и смоките или се подеднакво штетни за организмот?

Пуканките не се ништо повеќе од цело зрно пченка кое се растворило. Иако при подготовката се користат малку маснотии, тие не се сметаат за брза храна.

Според својот состав, пуканките имаат многу влакна, а малку калории. Поточно, една шолја пуканки содржи: 31 калорија, 1 гр протеини, 0,4 гр масти, 6 гр јаглехидрати, 1 гр влакна и 0,07 гр шеќер, што го прави одлична замена за грицките што се пржат во масло.

Сепак, лесно можете да ја расипете калориската вредност на пуканките ако додадете путер, сирење, карамела или било кој друг додаток. Тогаш престануваат сите приказни за пуканките како за здрава храна.

Што се однесува до пуканките од микробранова печка, избегнувајте ги затоа што содржат многу сол и заситени масти, а постои и ризик да добиете посебен тип белодробна болест поврзана со диацетил, хемикалија која се користи во вештачкиот маргарин на пуканките.

Со други зборови, најдобри се старите, добри пуканки што ги правите во старо тенџере со неколку капки масло.

Во соработка со Е наука