Пунто удрило во пешак во гостиварската населба Млаки

Нова сообраќајна несреќа со повреден пешак е регистрирана на подрачјето на Гостивар. Со повреди се здобил 78-годишен гостиварец.

Како што информира Секторот за внатрешни работи, вечра околу 16.35 часот на регионалниот пат Гостивар-Градец, кај населбата Млаки, патничко возило ,,Фиат пунто“ со гостиварски регистерски таблици управувано од 48-годишниот Е.А. од село Неготино-Полошко, удрил во 78-годишниот пешак И.А. од Гостивар.

Во незгодата со повреди се здобил пешакот, кој што бил пренесен во општата болница во Гостивар, за укажување на лекарска помош. Полицијата извршила е увид на лице место и работи на расветлување на причините и околностите за несреќата.