Гостивар
Работилница во Гостивар: Локалниот совет за превенција може да помогне за клучните проблеми на граѓаните
Сообраќаен метеж, кучиња скитници, тепачки меѓу младите, бучава од кафулињата, дивоградби… Ова се неколку од проблемите кои граѓани во анкета ги навеле како приоритетни за решавање во Гостивар. Анкетирањето било спроведено во склоп на проект за поголемо активирање и зајакнување на Локалните совети за превенција, што го спроведува Здружението Медиа плус, во соработка со Општина Гостивар.
„Анкетирањето беше спроведено преку фокус групи и онлајн анкета. Како проблеми и предизвици кои треба да ги решава Локалниот совет за превенција беа детектирани тепачки меѓу учениците во средни училишта, возење автомобили и мотори без дозволи, населението кое живее близу судот се жали на бучава од кафулињата до 2 – 3 часот после полноќ. Граѓаните потоа наведуваат дека има градење без дозволи, го повторуваат познатиот проблем со палењето на депонијата, има забелешки на фрлањето на сметот итн.“, изјави Весна Коловска, новинар и истражувач.
Локалните совети за превенција може многу да придонесат во детектирање и надминување на проблемите во општините, но сознанијата говорат дека тие не доволно функционираат, истакна на денешната работилница во Гостивар, Данче Николовска Вратеовска, волонтер во областа на превенцијата.
„Локалниот совет за превенција е суштествен и значаен механизам, но не е доволно познат и функционален. Токму затоа и ја одржуваме оваа работилница. Да придонесеме за зајакнување на капацитетите на членовите на советот, но и да дадеме видливост за постоењето на еден ваков механизам кој е формиран со цел да детектира локални предизвици и проблеми, да ги адресира до надлежните во прилог на подигнување на степенот на безбедност во самата општина, а со тоа и квалиттеот на живот на граѓаните“, рече Данче Николовска Вратеовска, волонтер во областа на превенцијата
Во Гостивар, Локален совет за превенција прв пат беше формиран во 2012-та година, но по неколку години престана да функционира. Телото беше реактивирано во 2018-тата и повремено одржуваше состаноци. Годинава, ковид пандемијата ја паузираше работата на Советот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар