fbpx
Поврзи се со нас

Гостивар

Радост за децата-ангели и родителите во Гостивар – Отворен центар на здружението „Заедно можеме“

Објавено

на

Убавите вести се секогаш добредојдени, а особено ни се повеќе од потребни сега, во ова време на ковид пандемија. Денес во Гостивар Здружението „Заедно можеме“ отвори Центар наменет за деца и лица со попречености. Радоста и задоволството на децата и родителите, кои беа дел од отворањето на новиот Центар во Гостивар беа очигледни.

„По три години постоење на здружението, ова е исполнување на нашиот сон. Сите финансии за Центарот до сега се обезбедени преку донации, обезбедено е и вработување на психолог. Сега работиме на тоа да се најдат финансии и за дефектолог и логопед. Стигнавме до ова, се надевам дека понатаму ќе можеме да направиме уште многу повеќе“, рече претседателот на здружението Шпенди Салија.

Децата во Центарот ќе може да другаруваат, развиваат креативност и да се вклучуваат во разни активности корисни за нивното здравје и развој. Ќе бидат поделени во две групи според возраста. Секоја група ќе престојува по два пати неделно, додека петокот ќе биде ден резервиран за активности на отворено, како спор, рекреација, екскурзии и слично.

 

 

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!