Деца Родители
Раѓањето на детето може да го зацврсти бракот, но и да донесе криза
Родителството носи нов елемент во животот на сопружниците менувајќи ги нивните функции. Родителството развива чувство на единство на жената и мажот. Токму затоа планирањето на семејството, односно планирање на раѓањето на децата треба да биде взаемен договор и одлука на партнерите. Подготовките за родителство значи подготвеност на партнерите да го променат начинот на живеење. При планирање на семејството освен психолошкиот момент битен е и економскиот статус на партнерите и нивните перспективи на овој план. На децата освен љубов мора да им се обезбедат и услови за непречен раст и развој и безгрижно детство.
Бременоста е еден од најубавите периоди на жената. Тоа подразбира низа психолошки и физиолошки промени кај идната мајка. Период од 9 месеци значи подготовка на жената за улогата на мајка. Меѓутоа,периодот на бременост на жената не го исклучува и моментот и улогата на сопругот, кој пак на индиректен начин се подготвува за улога на татко. Улогата на сопругот е многу важна во давањето на поддршка во целиот период на бременоста. Во овој период жените се многу чувствителни и тука сопругот треба да и пружи на сопругата многу љубов,толеранција и разбирање. На тој начин брачниот пар се подготвува за родителство и ја зајакнува врската.
Проблеми може да се појават доколку жената го изгуби чувството на љубов и внимание од страна сопругот. Од друга страна сопругот може да се почувствува непотребен, отфрлен од сопругата затоа и двајцата идни родители треба да разговараат за своите чувства, потреби, начин на однесување и доживување.
Преку децата брачните партнери му даваат на човештвото нешто повеќе од тоа што се тие самите – следна генерација.
Раѓањето на детето е голема радост и среќа за партнерите и за целото семејство, кое со ова може да ја зацврсти брачната врска. Меѓутоа доаѓањето на нов член во семејството може да ја разниша брачната рамнотежа и да предизвика криза во бракот.
Со раѓањето на детето се менува структурата и организацијата на семејните односи. Со детето и одговорноста во семејството станува посложена. Досегашните партнерски улоги се прошируваат и стануваат родителски.
Секоја фаза во развојот и растот на детето бара многу љубов, вложување и задоволување на неговите потреби, во рамките на можностите на родителите.
Од брачните партнери се бара подготвеност за промена и адаптирање кон потребите за развој на детето. Од тука произлегува и најголемата одговорност на родителството. Планирањето на семејството треба да оди паралелно со личните, брачните и родителските можности. Секое дете во семејството треба да има подеденакви права и услови за сигурно детство, развој и задоволување на биолошките, психолошките и социјалните потреби.
пишува: м-р Слаѓана Анѓелкоска, психолог
Советувалиште за брак и семејство
Центар за социјална работа Гостивар
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар