Ранци со прибор за над 500 ученици од ранливи семејства во Гостивар и селата

Во хуманитарната акција, којашто по повод новата учебна година ја спроведе Општина Гостивар беа обезбедени над 500 ранци со тетратки и комплетен училишен прибор. Донациите се веќе собрани и  деновиве се распределуваат низ училиштата во Гостивар и селата, кадешто управите ќе ги поделат на учениците од социјално ранливи семејства.

„Задоволни сме од успешноста на акцијата. Им благодариме на сите што се вклучија и придонесоа за радост на дечињата во новата учебна година“, рече Аслијан Снопче, раководител на Сектор за образование во Општина Гостивар

Акцијата се спроведуваше од 26 август до 5 септември, под мотото “Со срце дарувај, ученик израдувај!“