Распали гостиварската артилерија за голема победа против ТФТ Скопје 92-85

Продолжува жестоката трка за местата кои водат во завршниот Плеј-оф во Првата македонска кошаркарска лига. Гостивар со победата вечерва во „Младост“ против ТФТ Скопје 92-85, истата ја направи крајно неизвесна.

Гостите од Скопје сигурно го отворија натпреварот, без многу напор добивајќи ги првите 10 минути (16-19). Домаќините се освестија дури во вториот период во кој го „торпедираа“ гостинот постигнувајќи дури 7 тројки, за што гостинскиот тим немаше соодветна одбрана, периодот заврши (33-21), на полувреме се замина со резултат 49-40.

Шутерското шоу продолжи и во вториот дел, гостиварци одиграа квалитетно и во одбраната по што водството се зголемуваше, пред крајот на третиот период стигнаа и до највисоката предност од +16, (80-64). ТФТ Скопје тргна на се или ништо во последниот период, кај гостиварци дојде до мало опуштање на неколку минути пред крајот, по што повторно распали гостиварската артилерија со шут за три, не дозволувајќи да се загрози победата. Кошаркарите на Гостивар на овој натпревар постигнаа 15 тројки од 28 обиди.

Српските интернационални Александар Тордоровиќ и Никола Силаџи со по 17 поени беа најефикасни кај Гостивар, Ефремоски запиша 15, Јанески 14 поени. Амир Смит од ТФТ Скопје беше најефикасен на натпреварот со 20 поени.

КК Гостивар со оваа победа се искачи на четвртата позиција на табелата, веќе во недела го очекува уште еден директен дуел со екипата на Еуроникел.