Гостивар

Расте бројката на заболени со корона: Во Гостивар нови 2, во Општина Врапчиште 6, во земјава 180 нови случаи

Објавено

пред 5 години

на

05/06/2020

Од

Gostivarpress.mk

И денес се потврдени нови пациенти позитивни на коронавирус во гостиварскиот регион. Регистрирани се осум новозаболени лица, од кои две во Гостивар и шест од села на територијата на Општина Врапчиште (Неготино и Добридол).

Двете новорегистрирани позитивни лица во Гостивар имале контакт со потврден случај.

Со ова вкупната бројка на активни болни на подрачјето достигна 20 (9 Општина Гостивар и 11 Општина Врапчиште).

Во последните 24 часа во земјава се направени 1.272 тестирања, а регистрирани се 180 нови случаи на ковид-19, објави Министерството за здравство. По региони:

– Скопје 109
– Куманово 26
– Дебар 1
– Штип 15
– Тетово 12
– Струга 1
– Велес 1
– Битола 1
– Охрид 1
– Гостивар 8 (2 Гостивар, 6 О.Врапчиште)
– Гевгелија 2
– Валандово 1
– Свети Николе 1
– Неготино 1

На Клиниката за инфективни болести и фебрилни состојби почина пациент од Куманово на 52 години години, лекуван на клиниката од 30 мај. Во ГОБ „8 септември“ почина пациентка од Скопје на 68 години, хоспитализирана на 29 мај.

Денеска Институтот за јавно здравје регистрира 11 оздравени пациенти.

– Скопје 6
– Прилеп 1
– Велес 4

Вкупната бројка на ковид дијагностицирани во нашата земја од почетокот на епидемијата изнесува 2790, бројката на оздравени пациенти е 1632, на починати е 149, а во моментов бројот на активни случаи во земјата изнесува 1009.

Сподели ја веста:

Поврзани теми:корона