Гостивар
Расте бројот на дијабетичари, младите медицинари во Гостивар со превентивни активности

Средното медицинско училиште во Гостивар во соработка со Здружението на дијабетичари „Вардар“ го одбележа Светскиот ден на борба против дијабетес, 14-ти ноември со превентивна активност на градскиот плоштад. Младите медицинари на посебни штандови на минувачите им го мереа нивото на шеќер во крвта и крвниот притисок, и им поделија по некој совет за добро здравје.
„Со оваа активност се вклучуваме во одбележување на Светскиот ден на борба против дијабетесот. Има голем интерес од граѓаните да им се измери шеќерот во крвта и притисокот, и за среќа на повеќето параметрите им се на добро ниво. Им даваме и некои совети за заштита на здравјето и превенција од дијабет. Најважно е да си прават редовни контроли и анализи, за доколку се јави проблем навреме да се реагира“, рече професорката, Александра Силјаноска.
Претседателот на Здружението на лица со дијабет во Гостивар, Велко Бобароски нагласи дека најголем проблем за пациентите со дијабет е недостигот на терапија и помагала, за што се прават напори да се надминува.
„Во целата држава има проблеми, па и Гостивар се соочува со потешкотии во однос на инсулинска терапија, ленти за мерење, игли и сл. Пред неколку дена имавме состанок со претседателот на државата, кој вети дека ќе помогне и ако ги исполни ветувањата, на што се надеваме, роблемите ќе се надминат.“, рече Бобароски оценувајќи дека има раст на бројот на дијабетичари, а за жал тоа се забележува и кај младата популација.
„Во гостиварскиот регион официјалната бројка е околу 7.500, но реално е поголема и стигнува до 9.000. Има пораст и возрасната граница се поместува. Има и бебиња со дијабет, не многу, но сепак, да, ги има. Порастот на дијабетот во последните години е голем, а сето тоа се должи на неправилната исхрана, немање физичка активност“, кажа тој.
Светскиот ден на дијабетесот годинава се одбележува под мотото „Познавај го твојот ризик, познавај го твојот одговор“.
-
Гостиварпред 4 недели
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Невработените со можност за бесплатни обуки и полагање за возачки дозволи за камион и автобус
-
Гостиварпред 3 месеци
ПАТЕПИС: Во прегратките на Кораб – Светилиштата како вечност
-
Вестипред 3 месеци
УЈП со важно известување за корисниците на МојДДВ
-
Вестипред 3 месеци
Преку „е-услуги“ вадење имотен лист за неколку секунди
-
Македонијапред 3 месеци
Комплетна листа на неработни денови во 2025-та година
-
Што, како, каде?!пред 1 месец
„Пица & Бургер БЕЈБИ“ – Ново уникатно место за добра храна и забава во Гостивар
-
Рецептипред 3 месеци
Крем супа од тиква и морков – топло, вкусно и хранливо