Расте бројот на лицата со ХИВ во Македонија – во Гостивар регистрирани 7 лица

Почнувајќи од 1987 година, до декември минатата година, во Македонија биле регистрирани вкупно 274 случаи на ХИВ. Само годинава има 33 нови случаи на инфицирани лица, а двајца починале од овој вирус, кој најчесто се пренесувал преку сексуален однос.

Овие податоци ги истакна Национален координатор за ХИВ во државата, на завршната конференција за Програмата за превенција на ХИВ, организирана од македонското здружение ХОПС и косовското Лабиринт.

Статистиките покажуваат дека постои континуиран пораст на бројот на лица кои се заразуваат со ХИВ во последните три години. Лани, оваа бројка изнесувала 45 лица.

Македонија сепак е една од државите со најниски стапки на лица со ХИВ, благодарејќи на развиенот механизам за регистрирање и задолжителен третман. Сепак нагласуваат дека се уште треба да се внимава на овој проблем.

Загрижувачки е фактот што се менува структурата на лицата кои се инфицирани од ХИВ. Од заводот сметаат дека сè повеќе наликуваме на развиените земји од Западна Европа.

Во Гостивар вкупната бројка на заболени од ХИВ СИДА изнесува седум лица. Последните два случаи на ХИВ беа регистрирани во март месец годинава.