Расте бројот на несреќи во гостиварско

Статистиката на полицијата за месец мај покажува зголемување на бројот на сообраќајни несреќи. На патиштата и улиците во Гостивар и гостиварско во петиот месец од годинава,  регистрирани се вкупно 22 сообраќајни несреќи или 5 повеќе во споредба со истиот период лани.

Загинати немало, пет несреќи завршиле со тешко повредени, девет со лесно повредени лица, додека во 8 причинета е само материјална штета, која се проценува на 914 илјади денари.

Најмногу од несреќите (10), како и претходно се случиле по градските улици, потоа на регионални патишта (4), локални патишта (3) и по една на  магистрален пат, автопат и некатегоризиран пат.

Според податоците од полицијата, најчести причини за несреќите се: неприлагодена брзина, односно пребрзо возење, неправилно вршење дејстви и недржење растојание.

Две од сообраќајки биле со пешаци учесници на кои возачите не им дале предност. Дури седум возила-учесници во несреќите побегнале од местото.