Разбојништво на автопатот Гостивар-Тетово – Го повикале да патува со нив, па го истепале и ограбиле

Едно лице е приведено, а по две се трага поради разбојништво кое било пријавено вчера околу 13 часот во Полициска станица Гостивар. Педесетгодишниот Ф.И. од Скопје пријавил разбојнишво, извршена врз него од страна на Е.Н. и Џ.Н. и друго засега непознато лице од Гостивар. Тие му предложиле да патува со нив со возило кон Скопје, при што на автопатот Гостивар –Тетово, после наплатната станица Џ.Н го запрел возилото и го натерал да излезе за да го туркаат, објаснувајќи дека останале во дефект.

Според информациите од полицијата, кога излегле надвор од возилото лицата физички го нападнале, го турнале на земја, и од џебот на палтото му го одзеле паричникот, во кој имал лични документи и 9 илјади денари, по што си заминале со возилото.

Во 17 часот и 45 минути, од страна на Полициски службеници од ПС-Гостивар, е приведен 23 годишен прилепчанец со живеалиште во Гостивар во врска со Кривичното дело ,,Разбојништво“.

Се работи на целосно расчистување на случајот, пронаоѓање на уште двајца од учесниците, при што ќе следат и соодветни поднесоци, извести СВР Тетово.